Құпиялық саясаты
Қолданылу аясы
Бұл саясат moduxproduction.com ақпараттық сайтына қатысты. Сайт иесі — «BekAron» ЖШС, БСН 170440011469. Экожүйенің жекелеген сервистерінің өз шарттары мен саясаттары болуы мүмкін.
Сайтқа кірген кездегі деректер
Сайтта нысандар, тіркелу, талдау есептегіштері мен жарнама пиксельдері жоқ. Сайттың өзі cookie файлдарын орнатпайды және деректерді браузер жадында сақтамайды. Сайт Қазақстан Республикасының Қарағанды қаласындағы «BekAron» ЖШС-нің өз серверінде жұмыс істейді. Сервер тек техникалық журнал жүргізеді. Онда IP-мекенжай, сұрау уақыты, бет мекенжайы және браузер туралы мәліметтер тіркеледі. Журналдар сайттың жұмысын қамтамасыз ету және оны қорғау үшін қажет, шектеулі мерзімге сақталады және автоматты түрде жойылады.
Электрондық пошта арқылы жолданған өтініштер
Бізге хат жазсаңыз, электрондық пошта мекенжайыңызды, хат мәтінін және өзіңіз көрсеткен басқа мәліметтерді аламыз. Бұл ақпаратты жауап беру, өтінішті қарау және оған қатысты хат алмасу үшін пайдаланамыз. info@moduxproduction.com мекенжайына келген хаттар Google Workspace (Google LLC) сервисі арқылы өңделеді. Оның серверлері Қазақстан Республикасынан тыс жерде орналасуы мүмкін. Мұндай серверлерде деректерді өңдеу заңның 16-бабына сәйкес трансшекаралық беру болып саналады. Хат жіберу арқылы дербес деректеріңізді осылай өңдеуге және трансшекаралық беруге келісім бересіз. Сұрағыңызға қажет болмаса, құжаттар мен құпия мәліметтерді жібермеңіз.
Өңдеу негізі, сақтау және беру
Дербес деректер субъектінің келісімімен немесе Қазақстан Республикасының заңнамасында көзделген өзге негізде өңделеді. Заңның 12-бабы деректерді Қазақстанда сақтау мен сақтау мерзіміне қойылатын талаптарды, ал 16-бабы трансшекаралық беру шарттарын белгілейді. Хаттарға өтініштерге жауап беретін «BekAron» ЖШС қызметкерлері ғана қол жеткізе алады. Заңда ұзағырақ сақтау мерзімі көзделмесе, хаттар жауап беру және соған байланысты хат алмасу үшін қажет болған уақытқа дейін сақталады.
Құқықтарыңыз және өтініш беру
Заңда көзделген жағдайлар мен тәртіпке сай деректеріңіздің өңделуі туралы ақпарат сұрата аласыз, оларды түзетуді, бұғаттауды немесе жоюды талап ете аласыз және келісіміңізді кері қайтарып ала аласыз. Өтінішті төменде көрсетілген электрондық поштаға жіберіңіз.
Қазақстан Республикасының «Дербес деректер және оларды қорғау туралы» Заңы
Байланыс және деректемелер
- Заңды тұлға
- «BekAron» ЖШС
- БСН
- 170440011469
- Заңды мекенжайы
- Алматы қ., Жетісу-2 ш.а., 80 үй
- Электрондық пошта
- info@moduxproduction.com